Juninyonun ardınca Qurban Qurbanovla Zubir də “Beşiktaş”ın maraq dairəsində

Xəbərlər
18 Mart 2024 09:43
713
Juninyonun ardınca Qurban Qurbanovla Zubir də “Beşiktaş”ın maraq dairəsində

“Qarabağ”ın baş məşqçisi Qurban Qurbanov daha bir klubun maraq dairəsinə düşüb.

İdman.biz Türkiyənin “Fotospor” saytına istinadən xəbər verir ki, 52 yaşlı mütəxəssis “Beşiktaş”ı çalışdırmağa namizəd ola bilər.

Türkiyə klubunun futbol direktoru Samet Aybaba onu komandasında görməyin tərəfdarıdır. Avropa Liqasının 1/8 final mərhələsinin “Bayer” – “Qarabağ” oyununa (3:2) yollanan mütəxəssisin əsas işi futbolçuları izləmək olsa da, Aybaba daha çox baş məşqçinin işinə heyran olub. O, baş məşqçi və iki oyunçu barədə müsbət fikrə gəlib. Mütəxəssis Abdullah Zubir və Juninyonu da gözaltı edib.

“Fotospor”un iddiasına görə, mövsümün sonunda müqaviləsi başa çatacaq Okan Buruk (“Qalatasaray”) və İsmail Kartalı (“Fənərbaxça”) da Qurbanovun əvəzləməsi mümkündür. Lakin “Beşiktaş”ın Fernando Santosu istefaya göndərməsi gözlənilən olduğundan Aybaba onun yerinə azərbaycanlı mütəxəssisin gətirilməsində maraqlıdır.

Qeyd edək ki, 2008-ci ildən “Qarabağ”ı çalışdıran Qurbanov Avropanın digər klublarının da maraq dairəsindədir.

İdman.biz