“Qarabağ”ın Avropa Liqasının pley-offundakı rəqibi “Braqa” növbəti oyununu keçirib.
İdman.biz xəbər verir ki, Artur Jorjenin yetirmələri Portuqaliya çempionatının XXII turunda meydana çıxıblar.
Braqanın eyniadlı təmsilçisi evdə “Farense” ilə görüşüb. Meydan sahibləri bu qarşılaşmada 2:1 hesabı ilə qalib gəliblər.
Bu matçın ilk yarısında Joao Moutinyo penaltidən yararlana bilməyib. Fasilədən sonra Simon Banza hesabı açsa da, “Farense” bərabərlik qoluna imza atıb. “Braqa” sona 5 dəqiqə qalmış Şer Ndurun qolu ilə üç xal qazanıb – 2:1.
Qeyd edək ki, 22 oyunda 43 xal toplayan "Braqa” turnir cədvəlinin 4-cü pilləsində qərarlaşıb. Portuqallar növbəti oyununu Bakıda “Qarabağ”a qarşı keçirəcəklər. Matç fevralın 22-də olacaq.
İdman.biz