İspaniyanın “Rayo Valyekano” klubunun yeni baş məşqçisi müəyyənləşib.
İdman.biz xəbər verir ki, bunu La Liqa təmsilçisinin mətbuat xidməti açıqlayıb.
Madrid klubunu İnyiqo Peres çalışdıracaq. Bu, 36 yaşlı mütəxəssisin baş məşqçi kimi ilk iş yeridir. Futbolçu karyerasını 2022-ci ilin yayında bitirən Peres bunadək köməkçi məşqçi kimi çalışıb. O, Fransisko Rodrigesi əvəzləyib.
Qeyd edək ki, son 14 matçda yalnız 1 qələbə qazanan “Rayo Valyekano” turnir cədvəlində 14-cü yerdə qərarlaşıb.
İdman.biz