Bu gün, avqustun 25-də milli futbol çempionatlarında maraq doğuran bir neçə qarşılaşma keçiriləcək.
İdman.Biz xəbər verir ki, Səudiyyə Ərəbistanı Pro Liqasında “Əl-İttifaq” Kriştianu Ronaldunun çıxış etdiyi “Əl-Nəsr”i qəbul edəcək. Hər iki komanda mövsümün ilk iki oyununda qələbə qazanıb və 6 xalla üz-üzə gələcək. Bununla belə, “Əl-Nəsr” 7 qol vurub və hələlik qapısından top buraxmayıb.
Dammamda keçiriləcək matç Bakı vaxtı ilə saat 22:00-da başlayacaq.
Daha sonra İspaniya La Liqasında “Valensiya” ilə “Betis” arasında görüş keçiriləcək. “Mestalya” stadionunda baş tutacaq qarşılaşma saat 23:00-da başlayacaq.
“Valensiya” üçün bu, mövsümün əvvəlində ardıcıl ikinci ev oyunu olacaq. İlk turda Karlos Korberanın komandası “Selta” ilə heç-heçə edib. “Betis” isə çempionata qələbə ilə başlayıb.
İspaniya La Liqası
23:00. “Valensiya” - “Betis”.
Səudiyyə Ərəbistanı Pro Liqası
22:00. “Əl-İttifaq” - “Əl-Nəsr”.
