“Qarabağ” futbol klubunun UEFA Avropa Liqasının ikinci təsnifat mərhələsində Bolqarıstanın MOİK komandası ilə keçirəcəyi oyunların başlama saatı məlum olub.
İdman.Biz Avropa futbol qurumunun rəsmi saytına istinadən xəbər verir ki, iyulun 23-də Tofiq Bəhramov adına Respublika Stadionunda baş tutacaq görüş saat 20:00-da start götürəcək.
İyulun 30-da Sofiyada yerləşən “Vasil Levski” Milli Stadionunda təşkil olunacaq cavab qarşılaşması isə Bakı vaxtı ilə saat 22:00-da başlayacaq.
Qeyd edək ki, “Qarabağ” birinci raundda İslandiyanın “Vestri” kollektivini hər iki oyunda 3:0 hesabı ilə məğlub edərək növbəti mərhələyə vəsiqə qazanıb.
