İtaliyanın “İnter” klubu müdafiəçi Federiko Dimarko ilə müqavilənin uzadılması variantını aktivləşdirməyi və daha sonra anlaşmanı əlavə iki il müddətinə artırmağı planlaşdırır.
İdman.Biz bu barədə İtaliya KİV-ə istinadən xəbər verir.
Mənbənin məlumatına görə, "İnter" 28 yaşlı italiyalı futbolçunu 2030-cu ilin yayına qədər komandada saxlamaq niyyətindədir.
Dimarko 2018-ci ilin iyulundan "İnter"də çıxış edir. Onun hazırkı müqaviləsi 30 iyun 2027-ci ilə qədər qüvvədədir. Klubun futbolçu ilə anlaşmanı daha 12 ay uzatmaq imkanı da var.
Cari mövsümdə Dimarko 43 oyunda yeddi qol vurub və 18 məhsuldar ötürmə edib.
