“Sabah” basketbol klubunun baş məşqçi əvəzi Nikola Bozinovski "Neftçi"yə məğlubiyyətin səbəbini açıqlayıb.
İdman.biz xəbər verir ki, o, Azərbaycan Basketbol Liqasının V turunda 93:96 hesabı ilə uduzmalarında sonradan meydana girən oyunçuların ümidi doğrultmadıqlarını deyib.
Bozinovskinin sözlərinə görə, məğlubiyyətə baxmayaraq komandası yaxşı oynayıb: "Oyuna yaxşı başladıq. Çoxlu xallar toplayaraq hesabda önə keçdikdən sonra heyətdə dəyişikliklər etdim. Oyuna sonradan daxil olan basketbolçularımız isə hesabdakı üstünlüyümüzü tez əldən verdilər və bu oyunumuza təsir göstərdi. 3 xallıq atışlarda uğursuz olduq. Bizdən fərqli, rəqibdə bu baxımdan dəqiqlik daha çox idi. Oyunun sonunda yaxşı mübarizə aparsaq da, geridönüş edə bilmədik".
İdman.biz
