Azərbaycan Basketbol Federasiyasının (ABF) prezidenti Emin Əmrullayev Türkiyənin tanınmış qadın basketbol klublarından olan "Nesibe Aydın"ın prezidenti Mirkan Aydınla görüşüb.
İdman.biz xəbər verir ki, görüşdə iki ölkə arasında qadın basketbolunun inkişafı, ortaq layihələr və qarşılıqlı təcrübə mübadiləsi məsələləri müzakirə olunub.
Tərəflər gələcəkdə müxtəlif yaş qrupları üzrə qadın basketbolçular arasında birgə turnirlər və təlim proqramlarının həyata keçirilməsi perspektivlərini də dəyərləndiriblər.
Əmrullayev Türkiyə basketbolunun bölgədəki təcrübəsindən faydalanmağın müsbət tərəflərindən danışıb və "Nesibe Aydın" klubunun qadın basketbolundakı uğurlarını yüksək qiymətləndirib. Qarşılıqlı olaraq, Mirkan Aydın da Azərbaycan basketbolunda son illərdə müşahidə olunan inkişafı təqdir edərək, gələcək əməkdaşlıqlarda uğurlu nəticələrin qeydə alınacağına inandığını bildirib.
İdman.biz
