Bu gün Azərbaycan Basketbol Liqasında 2023/2024 mövsümünün I turunun növbəti oyunu keçiriləcək.
İdman.biz xəbər verir ki, günün yeganə qarşılaşmasında “Neftçi” “Xəzri”ni qəbul edəcək.
“Sərhədçi” İdman Kompleksinda baş tutacaq görüşdə nominal ev sahibləri favorit hesab edilsələr də, debütantın asanlıqla təslim olacağı gözlənilmir.
Azərbaycan Basketbol Liqası
I tur
19:30. “Neftçi” – “Xəzri”
“Sərhədçi” İdman Kompleksi
Qeyd edək ki, turun ilk görüşündə “Cəlilabad” “Sərhədçi”yə 76:86 hesabı ilə uduzub. Oktyabrın 28-də “Xırdalan” “Şəki” ilə, NTD-İNDIQO “Sumqayıt”la oynayacaq. Tura oktyabrın 29-da ötən mövsümün final seriyasında çıxış edən “Gəncə” və “Sabah”ın matçı ilə yekun vurulacaq.
Emin Ağa
İdman.biz
