“Sabah” basketbol klubu FIBA Avropa Kubokunun əsas mərhələsində bu gün ilk oyununu keçirəcək.
İdman.biz xəbər verir ki, Azərbaycan çempionu debüt görüşünə Monteneqroda çıxacaq.
D qrupunda yer alan Boban Mitevin yetirmələri “Mornar”ın qonağı olacaq. Gərgin keçəcək matçda Bakı klubu qələbə arzusundadır.
Qeyd edək ki, qrupunuzun digər görüşündə “Baxçaşəhər Kolleci” (Türkiyə) İstanbulda “Nimburk”la (Çexiya) üz-üzə gələcək.
FIBA Avropa Kuboku
D qrupu, I tur
18 oktyabr
21:00. “Mornar” (Monteneqro) – “Sabah” (Azərbaycan)
Bar. Topolitsa İdman Zalı
İdman.biz
