Bu gün basketbol üzrə Azərbaycan Liqasının qalibi “Sabah” avrokubokda ilk matçına çıxacaq.
İdman.biz -in məlumatına görə, Bakı təmsilçisi seçmə mərhələnin oyunlarını Skopyedə keçirəcək.
Şimali Makedoniyanın paytaxtında beynəlxalq arenada debüt edəcək Boban Mitevin komandası Niderlandın “Donar Qroningen” kollektivi ilə qarşılaşacaq.
Turun digər oyununda meydan sahibləri “Rabotniçki” “Rapid Buxarest”lə üz-üzə gələcək.
Qeyd edək ki, "Sabah" avrokuboklara hazırlıq çərçivəsində Serbiyada təlim-məşq toplanışı keçirib, yerli klublarla yoxlama görüşləri oynayıb.
Komandanın avrokuboklarda iştirakı üçün 12 basketbolçu sifariş edib: Fuad Niftəliyev, Endar Poladxanlı, Şirzad Şirzadov, Rüstəm Əliyev, Əlikyamran Məmmədov, Pavle Marçinkoviç, Kivon Davenport, Maykl Holton, Korin Henri, Desmond Kembric, Donovan Smit və Artems Butyankovs.
Zəki Feyzullayev
İdman.biz
