Azərbaycan Basketbol Liqasında bu gün altıncı turun ilk oyunu keçiriləcək.
İdman.Biz xəbər verir ki, günün yeganə qarşılaşmasında “Ordu” və “Sabah” münasibətlərinə aydınlıq gətirəcəklər.
Milli Gimnastika Arenasında təşkil olunacaq görüş saat 20:00-da başlayacaq.
“Ordu” əvvəlki turda səfərdə “Naxçıvan”ı 84:76 hesabı ilə məğlub edib. Polad Həsənovun rəhbərlik etdiyi komanda bu nəticədən sonra növbəti qarşılaşmaya da qələbə əzmi ilə çıxacaq.
“Sabah” isə ötən tur “Sumqayıt” üzərində 100:85 hesablı qələbə qazanıb. Lazar Spasiçin çalışdırdığı kollektiv həmin oyunda hücumda məhsuldar çıxışı ilə yadda qalıb.
Ordu keçirdiyi dörd oyundan 6 xal toplayaraq turnir cədvəlində beşinci pillədədir. Eyni qədər oyun keçirən “Sabah”ın isə 7 xalı var və üçüncüdür.
Turnir cədvəlinə 8 xalla “Neftçi” başçılıq edir.
Qeyd edək ki, altıncı turun digər qarşılaşmaları noyabrın 7-də və 8-də keçiriləcək. Tur çərçivəsində “Neftçi” - NTD, “Naxçıvan” - “LANDAU Lions” və “Gəncə” - “Sumqayıt” oyunları da nəzərdə tutulub.
