Sabah Azərbaycanın qadınlardan ibarət 3x3 basketbol üzrə milli komandası Polşanın paytaxtı Varşavada start götürən Dünya Kubokunda növbəti oyunlarına çıxacaq.
İdman.Biz xəbər verir ki, A qrupunda yer alan yığmamız əvvəlcə Çexiya ilə üz-üzə gələcək. Qarşılaşma Bakı vaxtı ilə saat 19:05-də start götürəcək.
Millimiz günün ikinci matçında isə Polşa seçməsi ilə qarşılaşacaq. Bu görüş saat 20:55-də başlayacaq.
Qeyd edək ki, Ratomir Deliçin baş məşqçisi olduğu kollektiv dünən A qrupunda Niderlandla üz-üzə gəlib və qarşılaşma rəqibin qələbəsi ilə yekunlaşıb - 19:13. Yığma qrup mərhələsindəki ilk matçında isə Madaqaskarı 21:13 hesabı ilə məğlub edib.
3x3 basketbol üzrə Dünya Kubokuna iyunun 7-də yekun vurulacaq.
