Azərbaycanın basketbol üzrə oğlanlardan ibarət U-18 millisi Avropa çempionatının B divizionunda növbəti oyununu keçirib.
İdman.Biz xəbər verir ki, Xorvatiyada təşkil olunan qitə birinciliyində yığma Portuqaliya ilə üz-üzə gəlib.
Azərbaycan millisi bu görüşdə rəqibinə qalib gəlib - 52:50.
Görüşün ən dəyərli basketbolçusu (MVP) 18 xal, 12 ribaundla millimizin üzvü Emanuel Aqbason seçilib. Millimiz 2 qələbə, 2 məğlubiyyətlə qrupda 3-cü sırada qərarlaşıb.
Qeyd edək ki, komanda qrupda daha əvvəl keçirdiyi görüşlərdə Polşa millisinə 60:70, İslandiyaya 56:95 hesabı ilə məğlub olub, Ukraynanı (77:68) üstələyib.
09:38
Bu gün Azərbaycanın 18 yaşadək oğlanlardan ibarət basketbol millisi Xorvatiyanın Rijeka şəhərində keçirilən FIBA U-18 Avropa çempionatının B divizionunda növbəti oyununa çıxacaq.
İdman.Biz xəbər verir ki, yığmamız B qrupunun dördüncü turunda Portuqaliya millisi ilə qarşılaşacaq.
Görüş Bakı vaxtı ilə saat 12:30-da başlayacaq.
Qeyd edək ki, Azərbaycan millisi qrup mərhələsində əvvəlcə Polşa yığmasına məğlub olub, daha sonra Ukrayna seçməsini məğlub edib, ardınca isə İslandiya yığmasına uduzub.
