31 avqust - 1 sentyabr tarixlərində Fransanın Pon du Qar şəhərində 16 komandanın iştirakı ilə 3x3 basketbol üzrə Dünya Qadın Seriyasının 21-ci mərhələsi baş tutacaq.
İdman.biz-in məlumatına görə, qadın millimiz və "Neftçi" nin qrupları və oyun təqvimləri müəyyənləşib.
3x3 qadın millimiz əsas qrupa vəsiqə qazanmaq üçün təsnifat mərhələsində Monqolustan və Malayziya milliləri ilə mübarizə aparacaq. Qadın millimizin ilk oyununu avqustun 31-də saat 17:00 -da Malayziya seçməsinə qarşı keçirəcək.
Digər təmsilçimiz "Neftçi" isə B qrupunda Niderland və Misir milliləri ilə üz-üzə gələcək. "Neftçi" ilk qrup oyununu həmin gün Bakı vaxtı ilə saat 19:35 -də Misir yığmasına qarşı keçirəcək.
Qeyd edək ki, qruplarda ilk iki yeri tutmuş komandalar 1/4 finala vəsiqə qazanacaqlar.
İdman.biz
