Bu gün Azərbaycan Basketbol Liqasında 17-ci turun daha bir matçı baş tutacaq.
İdman.Biz xəbər verir ki, günün yeganə matçında B qrupunda “Naxçıvan” “Sumqayıt”ın qonağı olacaq.
Görüş Sumqayıt Olimpiya İdman Kompleksində, saat 19:00-da start götürəcək.
“Naxçıvan” turnir cədvəlində 28 xalla ikinci, “Sumqayıt” təmsilçisi 22 xalla beşinci pillədə qərarlaşıb.
Qeyd edək ki, tura fevralın 14-də yekun vurulacaq. Ötən gün “Sərhədçi” səfərdə “Lənkəran”ı məğlub edib - 83:69.
