28 avqust tarixində Macarıstanda 3x3 basketbol üzrə Dünya Qadın Seriyasının Debretsen mərhələsində final oyunu baş tutub.Təmsilçimiz "Neftçi" finalda Almaniyanın "Düsseldorf Zoos" klubu ilə qarşılaşıb. Oyuna üstün başlayan "Neftçi", yekunda rəqibinə 22:14 hesabı ilə qəlib gəlib. "Neftçi" heç bir görüşdə məğlub olmadan Debretsen mərhələsinin qalibi olub. Basketbol şərhçisi və Federasiyasının ictimaiyyət əlaqələr şöbəsinin müdiri Sənan Əliyev bu qələbəni İdman.biz üçün şərh edib.
Mütəxəssisin fikrlərini təqdim edirik:
"Dünya Qadın Seriyasının təşkil olunan mərhələlərində, artıq "Neftçi'nin 4-cü çempionluğu oldu. Bundan əvvəl, "Neftçi" Azərbaycanda, İsraildə və İspaniyada çempion olmuşdu. Düşünürəm ki, artıq "Neftçi"nin Ulan-Batora getməyi dəqiqləşib, bundan başqa reytinqdə "ağ-qaralar" irəlidədirlar, 751 xalla Fransanı geridə qoyub. Bundan sonra finala iki mərhələ qalıb, komandamızın Fransadakı mərhələdə iştirakı dəqiqdir, ancaq Monreal mərhələsində iştirak etməyəcəyik. Final qarşılaşması isə bildiyiniz kimi Ulan-Batorda baş tutacaq.
"Neftçi"nin Bakıdakı uğursuzluğundan danışmaq istəyirəm. Onlar İspaniyadaki mərhələdə çempion olduqdan sonra çox yorulmuşdular, bundan başqa məsafə və istirahət müddətinin az olması da nəticəyə öz mənfi təsirini göstərdi. "Neftçi"nin üzvü Alekseylə danışanda bildirdi ki, Bakıda yerli publika qarşısında qalib gəlmək istəyirdik, lakin qismət olmadı, amma buna baxmayaraq özümüzü toparladıq və Macarıstanda çempion olduq. Əsas hədəf Ulan-Batorda uğurlu çıxış etməkdir.
"Neftçi"nin oyunçularına diqqət edirsinizsə əsas heyət üzvlərinin hər biri keyfiyətli oyunçulardır. Sonuncu mərhələnin ən yaxşı oyunçusu Freyzer seçildi ki, basketbolda mərkəz mövqeyində çıxış edir, o mövqedə yalnız hündürboy basketbolçular çıxış edir. Burada Freyzer öz işinin öhdəsindən layiqincə gəldi, ən kritik məqamlarda önə çıxıb komandaya qalibiyyət qazandırdı. Həqiqətən gözəl oyun keçdi, qarşıdakı oyunlarda "Neftçi"yə uğurlar arzulayıram, belə davam etsələr nəticələr də yaxşı olacaq. "Neftçi"nin növbəti mərhələdə rəqibləri məlumdur, B qrupunda Niderland və Misir komandaları təmsilçimizə rəqib olacaq, düşünürəm ki, bu dəfə də uğurlu çıxış edəcəyik".
Ağa Dadaşzadə
İdman.biz
