Azərbaycanlı futbolçu Bəxtiyar Həsənalızadə Türkiyə 1-ci Liqasında məğlub olub.
İdman.biz xəbər verir ki, onun çıxış etdiyi “Tuzlaspor” Ərzurum səfərindən xalsız dönüb.
Qarşılaşmanın taleyini bir qol həll edib. Meydan sahibləri 37-ci dəqiqədə fərqləniblər. 90 dəqiqə meydanda olan Bəxtiyar sarı vərəqə ilə cəzalanıb.
Qeyd edək ki, 27 turdan sonra 27 xal toplayan “Tuzlaspor” 16-cı pillədə qərarlaşıb.
İdman.biz
