"Qarabağ" futbol klubunun baş məşqçisi Qurban Qurbanov “Şəkəri azalt ömrünü uzat” kampaniyasına qoşulub.
İdman.biz xəbər verir ki, bu barədə Azərbaycan Qida Təhlükəsizlik Agentliyi məlumat yayıb.
51 yaşlı mütəxəssis videomüraciətdə hər kəsi, xüsusən də idmançıları bu kampaniyaya qoşulmağa dəvət edib.
Baş məşqçi bildirib ki, idmançılar qida rasionlarına fikir verməli və gündəlik şəkər istehlakını azaltmalıdır: “İdmançılar sağlam həyat tərzinə üstünlük verməlidirlər. Şəkəri azalt, ömrünü uzat!”.
İdman.biz
