Azərbaycanın 19 yaşadək qızlardan ibarət milli komandası Moldova ilə yoldaşlıq oyununda qarşılaşıb.
İdman.Biz xəbər verir ki, “Dalğa Arena”nın ehtiyat meydançasında keçirilən görüşün əsas vaxtı 2:2 hesabı ilə başa çatıb.
Millimizin qollarını 73-cü dəqiqədə Ayşən Salamzadə və 90+1-ci dəqiqədə Xədicə Əlizadə vurublar.
Qalibin müəyyənləşməsi üçün keçirilən penalti seriyasında Moldova yığması 5:4 hesabı ilə üstün olub.
Komandalar arasında növbəti yoldaşlıq oyunu sentyabrın 16-da saat 10:00-da “Dalğa Arena”nın ehtiyat meydançasında keçiriləcək.
