“Kəpəz” qış fasiləsində üçüncü transferini reallaşdırıb.
İdman.Biz sportinfo.az-a istinadən xəbər verir ki, Premyer Liqada qalmaq uğrunda mübarizədə geri düşmək istəməyən Gəncə təmsilçisi Rəhman Hacıyevi heyətinə qatıb.
Mövsümün ilk yarısını Birinci Liqada “Səbail”də keçirən yarımmüdafiəçi ilə 5 aylıq müqavilə imzalanıb.
Əgər “Kəpəz” elitada yerini qoruyarsa, sabiq “Neftçi” futbolçusu ilə anlaşma avtomatik olaraq daha bir il uzadılacaq.
Qeyd edək ki, qış fasiləsində transfer çalışmalarını davam etdirən “sarı-göylər” bundan əvvəl iki oyunçu ilə münasibətlərini rəsmiləşdirib.
Yarımmüdafiəçilər - “Turan Tovuz”dan Veysəl Rzayev və Gürcüstanın “Samqurali” klubundan Mate Abuladze artıq komandanın sıralarına qoşulublar.
