Misli Premyer Liqasının lideri “Sabah” klubu transfer çalışmalarını davam etdirir.
İdman.Biz futbolinfo.az-a istinadən xəbər verir ki, paytaxt təmsilçisi heyətinə daha bir legioner qatmaq niyyətindədir.
Klub rəhbərliyi yalnız cari mövsümü deyil, həm də komandanın gələcəyini düşünərək təcrübəli futbolçularla yanaşı, gənc əcnəbilərin transferini gündəmə gətirib. Bu çərçivədə “Sabah”ın heyətinə qatmaq istədiyi oyunçulardan biri Qana Premyer Liqasında çıxış edən “İnter Allies” klubunun 19 yaşlı mərkəz müdafiəçisi Maksvell Azafokpedir.
Gənc futbolçu ilə danışıqlar aparılır və “Sabah” onu qış transfer dönəmində ölkəmizə gətirməyə çalışır. Müqavilə uğurla nəticələnəcəyi halda, M.Azafokpe mövsümün qalan hissəsini əvvəlcə əvəzedici heyətdə keçirəcək.
Qeyd edək ki, Maksvell Azafokpe 2024-2025-ci illərdə Qananın U-20 yığmasında altı oyun keçirib.
