Yunan-Roma güləşi üzrə millimiz dünya ikincisi olub

Xəbərlər
29 Oktyabr 2023 23:51
172
Yunan-Roma güləşi üzrə millimiz dünya ikincisi olub

Albaniyanın paytaxtı Tiranada keçirilən güləş üzrə U-23 dünya çempionatı başa çatıb.

İdman.biz xəbər verir ki, yunan-Roma güləşi üzrə millimiz mundialda 1 gümüş, 3 bürünc medal qazanıb.

93 xal toplayan yığmamız komanda hesabında dünya 2-cisi olub. Türkiyə (121) birinci, Gürcüstan (78) isə üçüncü yeri tutub.

Komandamız bu nəticəylə 2 göstəricisini yaxşılaşdırıb. 2017-ci ildən keçirilən U-23 dünya çempionatları tarixində ilk dəfə ikinci yeri tutan yunan-Roma güləşi üzrə millimiz həm də komanda hesabında toplanan xallara görə özünün ən yaxşı nəticəsinə imza atıb.

Qeyd edək ki, DÇ-də Xasay Həsənli (77 kq) gümüş, Fərid Sadıxlı (55 kq), Ruslan Nurullayev (72 kq) və Sərxan Məmmədov (130 kq) isə bürünc medal qazanıb.

İdman.biz