Luka Modriç mövsümün sonunda "Real"ı tərk edəcəyini açıqlayıb.
İdman.biz xəbər verir ki, 39 yaşlı yarımmüdafiəçi bununla bağlı sosial şəbəkə hesabında paylaşım edib.
"Əziz "Real"ın azarkeşləri, vaxt çatıb. O andır ki, bunu heç vaxt istəməmişəm, amma bu futboldur. Həyatda başlanğıc olduğu kimi son da var. Şənbə günü "Santyaqo Bernabeu"da son oyunumu keçirəcəm", - deyə Modriç paylaşımında yazıb.
Qeyd edək ki, 2012-ci ildən Madrid klubunda çıxış edən Luka 4 dəfə İspaniya çempionu, 6 dəfə Çempionlar Liqası titullarını qazanıb. Xorvatiyalı futbolçu komandada 27 titula sahib çıxıb. O, 2018-ci ildə "Qızıl top" mükafatona layiq görülüb.
İdman.biz
