Almaniya Futbol Federasiyası (DFB) milli komandanın baş məşqçisi Hans-Diter Fliki istefaya göndərib. Onun köməkçiləri Markus Sorq və Danni Röl də işdən çıxarılıb.
“Almaniya milli komandasının son məyusedici nəticələrdən sonra yeni bir stimula ehtiyacı var. Biz ölkəmizdə keçiriləcək Avropa çempionatına qədər nikbinlik və inam ruhunu bərpa etməliyik. Şəxsən mənim üçün bu, direktor olduğum müddətdə ən çətin qərarlardan biridir, çünki Hans Flikin və onun köməkçilərinin peşəkar və insani keyfiyyətlərini yüksək qiymətləndirirəm.
Eyni zamanda, idman uğurları Almaniya Futbol Assosiasiyası üçün əsas prioritetdir, ona görə də qərar qaçılmaz idi”, - DFB direktoru Bernd Noyendorf deyib.
İdman.biz
