FIFA prezidenti Canni İnfantino Kriştianu Ronaldunun Portuqaliya millisindəki karyerasını başa vurmasına münasibət bildirib.
İdman.Biz xəbər verir ki, ali futbol qurumunun rəhbəri sosial şəbəkə hesabında paylaşım edərək 41 yaşlı hücumçuya təşəkkürünü çatdırıb.
“Dünyada çox az futbolçu azarkeşlərin qəlbində Kriştianu Ronaldu qədər dərin iz buraxıb. Onun karyerası qeyri-adi istedadı, tükənməz əzmkarlığı və daim imkanlarının sərhədlərini genişləndirmək istəyi ilə yadda qalıb.
Onun ən böyük irsi rekordlardan, qazandığı kuboklardan və vurduğu qollardan daha böyükdür. Ronaldu bütöv nəsilləri ruhlandırıb, milyonlarla futbol azarkeşini birləşdirib və dünyanın ən böyük arenalarında Portuqaliyanın ümidlərini və qürurunu layiqincə təmsil edib.
Kriştianu, futbolumuza göstərdiyin ehtirasa, unudulmaz anlara və böyük töhfənə görə təşəkkür edirəm. Sənin milli komandadakı karyeran dünya futbolunun qızıl tarixinə əbədi həkk olunacaq”, - deyə İnfantino vurğulayıb.
Xatırladaq ki, Ronaldu bu gün Portuqaliya millisindəki karyerasını başa vurduğunu açıqlayıb.
