Braziliyanın Akre ştatında 15 yaşadək futbolçular arasında keçirilən çempionatın üçüncü turu böyükhesablı qələbələrlə yadda qalıb.
İdman.Biz “Globo Esporte”yə istinadən xəbər verir ki, Rio-Branko şəhərindəki “Tonikan” və “Arena da Floresta” stadionlarında yeddi qarşılaşma keçirilib.
Turun ən böyük hesabı “Qalves” və “Eskolinya do Santinya” komandalarının görüşündə qeydə alınıb. “Qalves” rəqibini 10:0 hesabı ilə darmadağın edib.
Digər qarşılaşmada “Santa Kruz” “Eskolinya do Qalves”ə 8:1 hesabı ilə qalib gəlib. “İndependensiya” isə PSJ-AC komandasını 5:1 hesabı ilə məğlub edib.
