“Barselona”nın baş məşqçisi Hans-Diter Flik Lamin Yamal İspaniya millisinin düşərgəsindən qayıtdıqdan sonra onunla söhbət aparmaq niyyətindədir.
İdman.Biz “El Nacional”a istinadən xəbər verir ki, almaniyalı mütəxəssis Yamalın “Qızıl top”u qazanmaq ehtimalı ətrafında gedən çoxsaylı söhbətlərdən narahatdır. Futbolçunun özü də müsahibələrində dəfələrlə bu mükafata layiq olduğunu düşündüyünü bildirib.
Flik nüfuzlu fərdi mükafat haqqında düşüncələrin 19 yaşlı futbolçunun oyununa və diqqətini cəmləməsinə mənfi təsir göstərməyəcəyindən əmin olmaq istəyir.
“Flik Yamalın bir şeyi anlamasını istəyir: ‘Qızıl top’ hər oyunu müəyyən etməli olan məqsəd deyil, göstərilən oyunun nəticəsidir”, – deyə mənbə qeyd edir.
“Barselona”nın məşqçilər korpusu üçün Yamalın səsvermənin hər cür nəticəsinə psixoloji baxımdan hazır olması və mükafat uğrunda mübarizənin onun üçün aludəçiliyə çevrilməməsi də vacibdir.
Qeyd edək ki, Yamal ötən il “Qızıl top” uğrunda səsvermədə Osman Dembeleyə uduzaraq ikinci yeri tutub.
