“Arsenal” “Atletiko”nun hücumçusu Xulian Alvaresi transfer etməyə yaxınlaşsa da, argentinalı futbolçu üçün mübarizəyə “Mançester Siti” də qoşulub.
İdman.Biz RMC Sport-a istinadən xəbər verir ki, Alvaresin “Barselona”ya keçidi ilə bağlı variantın arxa plana keçməsindən sonra onun ətrafı “Arsenal”la razılaşmanı yenidən gündəmə gətirib. Argentinalı jurnalistlərin məlumatına görə, London klubu hücumçunu heyətinə qatmağa getdikcə daha yaxın görünür.
Bununla belə, “Mançester Siti”nin də son saatlarda transfer üçün hərəkətə keçdiyi bildirilir. İngiltərə klubu Alvaresi iki il əvvəl “Atletiko”ya 90 milyon avroya satmışdı.
Hazırda 28 yaşlı futbolçunun mümkün transferinin təxminən 150 milyon avro (təxminən 298 milyon manat) qarşılığında baş tuta biləcəyi qeyd olunur.
Qeyd edək ki, Alvares son günlər “Atletiko”nun kollektiv məşqlərində iştirak etmir və bu səbəbdən Madrid klubunun “Sevilya” ilə oyununu da buraxacaq.
