“Bavariya” və “Çedju Yunayted” futbol klubları arasında yoldaşlıq oyunu keçirilib.
İdman.Biz bildirir ki, oyun Cənubi Koreyanın Seoqvipo şəhərindəki “Jeju World Cup” stadionunda keçirilib.
“Bavariya”nın yarımmüdafiəçisi Felipe Çaves matçın ilk qolunu 12-ci dəqiqədə vurub. Ev sahibi komandanın oyunçusu Li Çan Min 15-ci dəqiqədə hesabı bərabərləşdirib. İlk hissənin bitməsinə az qalmış münhenlilər yenidən hesabda irəli çıxıblar. Hücumçu Bastian Assomo 41-ci dəqiqədə qola imza atıb.
İkinci hissədə qapılara qol vurulmayıb.
Beləliklə, “Bavariya” matçda 2:1 hesabı ilə qalib gəlib.
