“Barselona”nın cinah oyunçusu Lamin Yamal “Qızıl top”u qazanarsa və digər müqavilə şərtlərini yerinə yetirərsə, “Real Madrid”in hücumçusu Kilian Mbappedən təxminən dörd dəfə çox qazana bilər.
İdman.Biz bu barədə “L'Équipe” qəzetinə istinadən məlumat verir.
Nəşrin məlumatına görə, kataloniyalı qanad oyunçusu hazırda ayda 1,33 milyon avro qazanır və La Liqanın ən çox qazanan beş oyunçusu arasında deyil. İspaniya liqasında ən çox qazanan oyunçular ayda 2,67 milyon avro qazanan “Real Madrid”in hücumçusu Kilian Mbappe və Vinisius Juniordur. Lakin, Yamal “Qızıl top”u qazanarsa və oynadığı oyunlar, vurulan qollar və qazanılan kuboklar üzrə hədəfinə çatarsa, onun maaşı 10 milyon avro arta bilər. Bu, ispaniyalı oyunçunun maaşını fransız və braziliyalı oyunçudan təxminən dörd dəfə çox edər.
Bu mövsüm Yamal “Barselona”da bütün yarışlarda 40 oyun keçirib, 21 qol vurub və 14 məhsuldar ötürmə edib.
