“Liverpul”, Arne Slot işdən çıxarılacağı təqdirdə, onun yerinə “Kristal Palas”ın baş məşqçisi Oliver Qlasneri seçməyi düşünür.
Bu barədə İdman.Biz “Caught Offside” portalına istinadla xəbər verir.
Mənbəyə görə, mersisaydlıların rəhbərliyi avstriyalı mütəxəssisi yaxın gələcək üçün real variant kimi görürlər.
“Qırmızılar” Qlasnerin komandanın rəqabət qabiliyyətini qoruyarkən onu sabitləşdirməyə qadir olduğuna da inanırlar.
“Liverpul”, hazırda “Pari Sen-Jermen”ə rəhbərlik edən Luis Enrikeni uzunmüddətli strateji seçim kimi nəzərdən keçirir. İspan məşqçi “sübut olunmuş qalib, son dərəcə eqoist oyunçuları idarə edə bilən və hücum prinsiplərinə riayət edən” mütəxəssis kimi təsvir edilir.
İngiltərə Premyer Liqasının 15 oyunundan sonra “Liverpul”un 23 xalı var və 10-cu yerdədir.
Arne Slotun komandadakı mövqeləri son dövrlərdə misirli hücumçu Məhəmməd Salahla yaşadığı gərginliklə əlaqədar xüsusilə sarsılıb.
