İngiltərə Premyer Liqasının 10-cu turunda “Tottenhem Hotspur” və “Çelsi” arasında keçirilən oyun başa çatıb.
İdman.Biz bildirir ki, “Çelsi” oyunda 1-0 hesabı ilə qələbə qazanıb. Qarşılaşma Londondakı “Tottenhem Hotspur” stadionunda baş tutub.
Matçın yeganə qolunu 34-cü dəqiqədə Joao Pedro vurub.
Bu oyundan sonra “Tottenhem Hotspur” üçüncü, “Çelsi” isə dördüncü yerdədir. Hər iki komandanın 17 xalı var.
Növbəti turda “Tottenhem” 8 noyabrda “Mançester Yunayted”i qəbul edəcək, “Çelsi” isə həmin gün evdə “Vulverhempton”la qarşılaşacaq.
