“Yuventus” komandasının və İtaliya millisinin keçmiş qapıçısı Canluici Buffon “Milan”ın yarımmüdafiəçisi Luka Modriçin oyununu şərh edib.
İdman.biz bildirir ki, xorvatiyalı yarımmüdafiəçi bu yay “Real Madrid”dən “qırmızı-qaralar”a keçib.
“Mən xüsusilə şadam ki, Modriç yaxşı oynayır. Çünki onu tanıyıram və mən də keçmişdə eyni seçimi etmişəm. Motivasiyamı və enerjimi bərpa etmək üçün liqanı dəyişmişəm. Dəyişiklikdən sonra özümü beş il əvvəlki kimi güclü hiss etdim. O da eyni şeyi edir: həftədə bir matç oynamaqla Modriç əla mövsüm keçirə bilər”, - Buffon deyib.
