Finlandiya və Kanada hokkey üzrə dünya çempionatının yarımfinalına çıxıblar

İsveçrənin Fribur şəhərində Kanada və ABŞ arasında hokkey üzrə dünya çempionatının dörddəbir final matçı başa çatıb.

İdman.Biz bildirir ki, “BSF Arena”da keçirilən oyunda Kanada 4:0 hesabı ilə qalib gələrək turnirin yarımfinalına yüksəlib.

Digər dörddəbir final oyununda Finlandiya və Çexiya milliləri qarşılaşıblar. Matç 4:1 hesabı ilə Finlandiyanın xeyrinə qurtarıb.

Digər dörddəbir final matçlarında Norveç Latviya, İsveçrə isə İsveçlə rastlaşacaq.