Almaniyanın Reyn-Rur bölgəsində keçirilən Dünya Universitet Oyunlarında çimərlik voleybolu yarışları davam edir.
İdman.biz-in Almaniyaya ezam olunmuş əməkdaşı xəbər verir ki, bu gün Azərbaycanın kişilərdən ibarət Nəriman Bayramlı - Ayxan Abdullayev və qadınlardan ibarət Səbinə Əlizadə və Fidan Əhmədxanova cütlüyü 21-24-cü yerlər uğrunda oyunlarını keçiriblər.
Qadın voleybolçularımızın rəqibləri hindistanlı Kanimoji-Qovşik cütlüyü olub. Əlizadə və Əhmədxanova üç setin yekununda qalib gəliblər - 2:1.
Bayramlı və Abdullayev isə Livan təmsilçiləri Cad-El Çabib cütünə iki setdə məğlub olublar - 0:2.
***
10:30
Almaniyanın Reyn-Rur bölgəsində keçirilən Universiadada Azərbaycanın çimərlik voleybolu komandalarının çıxışı davam edir.
İdman.biz-in Almaniyaya ezam olunmuş əməkdaşı xəbər verir ki, Nəriman Bayramlı – Ayxan Abdullayev kişilər cütlüyü və Səbinə Əlizadə – Fidan Əhmədxanova qadınlar cütlüyü bu gün 21-24-cü yerlər uğrunda oyunlara çıxacaqlar.
Qadın voleybolçularımız İspaniya və Hindistan komandaları arasında keçiriləcək oyunun qalibi ilə qarşılaşacaqlar. Kişilər isə Yaponiya – Livan duelinin qalibini gözləyirlər.
Qeyd edək ki, komandalarımız Universiadada hələ qələbə qazana bilməyiblər.
Zəki Feyzullayev
İdman.biz
