Kişi voleybolçulardan ibarət Azərbaycan millisi növbəti oyununu keçirib.
İdman.biz xəbər verir ki, yığmamız Avropa çempionatının seçmə mərhələsində ilk ev matçına çıxıb.
Fərid Cəlalovun yetirmələri Belçika ilə üz-üzə gəlib. Avstriya səfərində 0:3 hesabı ilə uduzan voleybolçularımız bu dəfə də uğursuz çıxış ediblər. Görüş rəqib komandanın 3:0 hesablı qələbəsi ilə yekunlaşıb.
Qeyd edək ki, seçmə mərhələnin qrup qalibləri və ən yaxşı nəticəyə malik beş ikinci yer sahibi final mərhələsinə yüksələcək.
Avropa çempionatının seçmə mərhələsi
24 avqust
18:00. Azərbaycan – Belçika - 0:3 (17:25, 12:25, 19:25)
Hakimlər: Darko Saviç (Serbiya), Yavuz Akdemir (Türkiyə)
GİN-nin Voleybol Mərkəzi
İdman.biz
