Kişi voleybolçulardan ibarət Azərbaycan millisi Gürcüstana təlim-məşqə yollanıb.
İdman.biz xəbər verir ki, komandamız qonşu ölkədə Avropa çempionatının təsnifat mərhələsinə hazırlaşacaq.
Fərid Cəlalovun çalışdırdığı yığmamının Tbilisidəki toplanışı avqustun 11-də yekunlaşacaq. Hazırlıq çərçivəsində komandamızın Gürcüstan yığması ilə bir neçə yoxlama matçı keçirməsi nəzərdə tutulub.
Qeyd edək ki, komandamız AVRO-2026-nın təsnifat mərhələsində B qrupunda mübarizə aparacaq. Millimiz avqustun 17-də səfərdə Avstriya, ayın 24-də isə Bakıda Belçika komandaları ilə qarşılaşacaq.
İdman.biz
