Qadın voleybolçular arasında Azərbaycan çempionatının ilkin mərhələsi başa çatıb.
İdman.biz xəbər verir ki, pley-offda qarşılaşacaq komandaların adlarına aydınlıq gəlib.
Yüksək Liqanın reqlamentinə görə, ilk 4 yeri tutan klublar pley-offa vəsiqə qazanıblar. 1-ci pilləni tutan “Azərreyl” 4-cü olan “Gəncə” ilə münasibətlərə aydınlıq gətirəcək. Digər cütdə “Abşeron” və “Murov Az Terminal” üz-üzə gələcəklər.
Qeyd edək ki, cütün qalibi iki qələbəyədək davam edəcək. İki oyundan sonra hesab bərabər olarsa, qalib “qızıl set”də müəyyənləşəcək.
İdman.biz