Belçika millisinin hücumçusu Tea Radovic qadın voleybolu üzrə Avropa çempionatının C qrupunda Niderland üzərində qazandıqları qələbəni şərh edib.
İdman.Biz xəbər verir ki, Radovic görüşün çətin keçdiyini bildirib:
“Oyun çətin oldu, amma yaxşı mübarizə apardıq. Məncə, oyunun əvvəlində hücumda çox yaxşı idik və buna görə də 2:0 hesabı ilə önə keçdik. Sonradan müdafiəyə və bloka daha çox diqqət yetirməyə başladıq. Qələbə qazandığımız üçün çox xoşbəxtəm”.
Qeyd edək ki, Bakıda keçirilən qarşılaşmada Belçika Niderlandı 3:2 hesabı ilə məğlub edib.
