Meksika millisinin voleybolçusu Jozelin Landeros Azərbaycandakı karyera mərhələsini başa vurub.
İdman.Biz xəbər verir ki, libero son üç ildə Azərbaycan Super Liqasında çıxış edib. O, “Abşeron”un heyətində iki dəfə gümüş medal qazanıb, ötən mövsüm isə “Turan”ın çempionluğuna töhfə verib.
Azərbaycan çempionu Landerosla yollarını ayırmaq qərarına gəlib. Voleybolçu karyerasını Braziliyada davam etdirəcək. O, “Tijuca” klubu ilə müqavilə imzalayıb və artıq yeni komandasına qoşulub.
Landeros Bakıda keçirdiyi illəri də dəyərləndirib:
“Azərbaycanda keçirdiyim müddətdə ölkəyə, insanlara və mədəniyyətə alışdım. Ətrafımdakı insanların mənə münasibəti çox isti idi. Bu, təkcə gündəlik həyatda deyil, meydançada da mənə kömək edirdi. Özümü rahat hiss edirdim və bu, hər bir idmançı üçün vacibdir. Təşəkkürlər, Bakı! İndi həyatımda yeni səhifə açılır”, - deyə voleybolçu bildirib.
