"Australian Open"də qadınların yarışında finalçılar müəyyənləşib.
İdman.biz xəbər verir ki, həlledici matçda Arina Sabalenka və Qinven Janq qaşılaşacaqlar.
Turnirin ötənilki qalibi Sabalenka yarımfinalda amerikalı Koko Qaufa qalib gəlib. US-Open-2023-ün qalibi ilə görüşdə belaruslu iki setdə üstün olub. O, 7:5, 6:4 hesabları ilə qalib gəlib.
Digər finalçının adı tennis həvəskarlarına tanış deyil. Çinli Qinven Janq karyerasının ilk böyük finalına vəsiqə qazanıb. 21 yaşlı idmançı yarımfinalda ukraynalı Dayan Yastremskanı məğlub edib (6:4, 6:4).
Qeyd edək ki, final matçı yanvarın 27-də keçiriləcək.
İdman.biz
