Azərbaycan vətəndaşı Boris Nəcəfov sentyabrın 5-də Cəbəllütariq boğazını üzərək keçib.
Gənclər və İdman Nazirliyinin mətbuat xidmətindən İdman.biz-a verilən məlumata görə, idmançımız ümumilikdə 16,2 km məsafəni qət edib.
Həmyerlimiz bildirib ki, Cəbəllüttariq boğazında üzmə zamanı rəqiblər insanlar deyil, külək, dalğalar, soyuq su və Atlantik okeanından gələn güclü axındır: "Burada üzmək üçün hava şəraitini gözləmək lazımdır".
Qeyd edək ki, B.Nəcəfovun iştirak etdiyi üzmə missiyası Avropanın və İspaniyanın cənub nöqtəsindən - Tarifa şəhərindən başlayır və Afrikada - Mərakeşdə başa çatır.
İdman.biz
