Bu gün Misirin paytaxtı Qahirədə atıcılıq üzrə Dünya kuboku start götürəcək.
İdman.biz xəbər verir ki, yarışda Azərbaycanı Nigar Nəsirova və Ruslan Lunyov təmsil edəcəklər.
Lunyov kişilər arasında 10 m məsafədən pnevmatik tapança, 25 m-də tapança ilə sürətli atəşaçmada hədəf önünə keçəcək. Nəsirova isə qadınlar arasında 10 m-də pnevmatik, 25 m-də standart tapança ilə atəşaçma yarışlarında sərrastlığını yoxlayacaq.
Eyni zamanda, onlar 10 m pnevmatik tapança qarışıq komanda yarışlarda da iştirak edəcəklər.
Qeyd edək ki, Dünya kubokuna fevralın 1-də yekun vurulacaq.
İdman.biz