Uşu üzrə Azərbaycan çempionatı və birinciliyinin başlama vaxtı dəqiqləşib.
İdman.biz xəbər verir ki, yarış Azərbaycan Çin Döyüş Növləri Assosiasiyasının təşkilatçılığı, Gənclər və İdman Nazirliyinin dəstəyi ilə noyabrın 3-də start götürəcək.
2 gün davam edəcək birincilikdə kadetlər, yeniyetmə və gənclər mübarizə aparacaq. Turnirdə 25 şəhər və rayondan 300-ə yaxın idmançının iştirakı gözlənilir.
Qeyd edək ki, Abşeron Olimpiya İdman kompleksində təşkil olunacaq Azərbaycan çempionatı və birinciliyinin açılış mərasimi noyabrın 4-ü saat 14:00-da baş tutacaq.
Emin Ağa
İdman.biz
