Azərbaycan minifutbol millisi AVRO-2026-nın 1/8 final mərhələsində Qazaxıstan yığması ilə qarşılaşacaq.
İdman.Biz xəbər verir ki, oyun 1 iyunda, saat 23:59-da keçiriləcək.
Elşad Quliyevin komandası Slovakiyada keçirilən Avropa çempionatında F qrupunu maksimum nəticə ilə başa vurub. Millimiz üç oyunun hamısında qalib gələrək doqquz xalla qrup lideri olub. Qazaxıstan isə E qrupunu dörd xalla ikinci pillədə tamamlayıb.
Qrup mərhələsinin son turunda Azərbaycan Fransa yığmasına 3:2 hesabı ilə qalib gəlib.
Minifutbol üzrə Avropa çempionatı 1/8 final
31 may (bazar)
19:30. Bosniya və Herseqovina - Macarıstan
21:00. Bolqarıstan - Fransa
22:30. Polşa - Gürcüstan
23:59. Ukrayna - Portuqaliya.
Xatırladaq ki, 1/8 finalın digər oyunları - Rumıniya - Avstriya, Yunanıstan - Serbiya və Çexiya - Monteneqro qarşılaşmaları iyunun 1-də keçiriləcək.
