Dana Uayt: "ABŞ liderinin Ağ Evdə UFC turniri ideyası gerçəkləşəcək"

Mütləq Döyüş Çempionatının (UFC) baş direktoru Dana Uayt ABŞ Prezidenti Donald Trampla görüşüb.

İdman.biz "MMA Fighting"ə istinadən xəbər verir ki, o, ABŞ liderinin Ağ Evdə UFC turniri keçirmək ideyası ilə bağlı fikirlərini bölüşüb.

Dana Uayt Trampın istəyini gerçəkləşdirəcəyini bildirib: "Bu gün Donald Trampla görüşüm bütün gözləntiləri üstələdi. Ağ Evdə UFC turniri baş tutacaq. Yaxın iki həftə ərzində sizə daha ətraflı məlumat verəcəyəm".

Qeyd edək ki, Donald Tramp iyulun 4-də Ayova ştatında mitinqdə Ağ Evdə UFC çempionluğu uğrunda döyüşün keçiriləcəyini demişdi.

İdman.biz