2-ci MDB oyunlarında iştirak edən karateçilərimiz bu gün Mogilyov şəhərinə gəliblər.
Bu barədə İdman.biz saytının Minskə ezam olunmuş xüsusi müxbiri xəbər verir.
Nümayəndə heyətini təntənəli şəkildə şəhər rəhbərliyi qarşılayıb. Azərbaycan Milli Karate Federasiyasının prezidenti Yaşar Bəşirov və yeniyetmələr arasında Avropa və Dünya çempionu Əminaga Quliyev Belarus telekanalına müsahibə veriblər.
Qeyd edək ki, II MDB Oyunları avqustun 4-dən 14-dək Belarusun 11 şəhərində gerçəkləşir. İdmançılar 20 növdə mübarizə aparır. I MDB Oyunları 2021-ci ildə Rusiyanın Kazan şəhərində keçirilib. Azərbaycan 2025-ci ildəki III MDB Oyunlarına ev sahibliyi edəcək.
Rüfət Abdullayev
Minsk
