İdman karyeralarını yenicə başa vuran Rüstəm Orucov və Orxan Səfərov Azərbaycan Cüdo Federasiyasının təşəbbüsü ilə Yaponiyada keçirilən məşqçi seminarlarında iştiraklarını davam etdirirlər.
İdman.biz xəbər verir ki, onlar əvvəlcə yapon cüdosunun əfsanələrindən biri, Sidney Olimpiya çempionu Kosei İnouenin beynəlxalq məşqçilik kurslarında olublar.
Sonra isə Hiratsukada (Kanaqava prefekturasında) yerləşən Tokai Universitetinə gediblər. Bura zəngin cüdo ənənələri ilə məşhurdur və bir çox məşhur olimpiya və dünya çempionları bu Universitetdən çıxıb.
Orucov və Səfərov həm nəzəri, həm də praktiki məşğələlərdə iştirak edirlər.
Zəki Feyzullayev
İdman.biz
