Azərbaycanın cüdo üzrə Olimpiya çempionu Hidayət Heydərov (73 kq) Meksikanın Qvadalaxara şəhərində keçirilən Qran-pridə qazandığı qızıl medal barədə fikirlərini bölüşüb.
İdman.Biz xəbər verir ki, cüdoçumuz bu barədə sosial şəbəkə hesabında tənqidlərə cavab olaraq emosional açıqlama verib:
“Dünən tənqid etdilər, bu gün alqışlayırlar. Mən dəyişmədim, sadəcə tatami danışdı”.
Qeyd edək ki, Heydərov beynəlxalq turnirin finalında Çexiya təmsilçisi Husniddin Karimovu məğlub edərək qalib adını qazanıb. Bu, onun Paris-2024 Yay Olimpiya Oyunlarından sonra ilk böyük qələbəsidir.
